சென்னையை சேர்ந்த டாக்டர் ஆர்த்தி தேசிய அளவில் நடைபெற்ற ரோலர் ஸ்கேட்டிங் விளையாட்டு போட்டியில் 5 தங்கப் பதக்கங்களை வென்ற தமிழக வீராங்கனை என்று சாதனையை படைத்துள்ளார். இதையடுத்து ஏப்ரல் 5ம் தேதியிலிருந்து 9ம் தேதி வரை சண்டிகர் நகரில் 58வது தேசிய ரோலர் ஸ்கேட்டிங் போட்டிகள் நடைபெற்றன.
இதில் நாடு முழுவதிலும் இருந்து பல்வேறு மாநிலங்களைச் சேர்ந்த வீரர்கள் கலந்து கொண்டனர். இந்நிலையில் சென்னையை சேர்ந்த ஆர்த்தி 5 தங்கப்பதக்கங்களை சரமாரியாக அள்ளி குவித்துள்ளார். இதில் தனித்திறனை நிரூபிக்கும் வகையில் 4 ஸ்கேட்டிங் போட்டிகளில் மற்ற வீராங்கனைகளை வீழ்த்தி ஆர்த்தி வெற்றி பெற்றார். இதேபோன்று குழுவாக விளையாடும் ரிலே ரோலர் ஸ்கேட்டிங் போட்டியிலும் ஆர்த்தி பங்கேற்ற குழுவே வெற்றி வாகை சூடியது.
தேசிய அளவில் நடைபெற்ற ரோலர் ஸ்கேட்டிங் போட்டிகளில் 5 தங்கப் பதக்கங்களை வென்ற ஆர்த்தி கொலம்பியாவில் நடக்க இருக்கும் உலக சாம்பியன் ஷிப் போட்டியில் கலந்து கொள்ள இந்தியா சார்பாக தேர்வு செய்யப்பட்டுள்ளார்.
தேசிய ரோலர் ஸ்கேட்டிங் போட்டியில் தனித்திறன் போட்டிகளில் 4 தங்கம், குழுவாக ஒரு தங்கம் என 5 தங்கப் பதக்கங்களை வென்று குவித்த மருத்துவர் ஆர்த்திக்கு மக்களின் மத்தியில் பாராட்டு மழை பொழிந்து வருகின்றது. ரோலர் ஸ்கேட்டிங் பெடரேஷன் ஆப் இந்தியா சார்பில் பஞ்சாப் மாநிலம் சண்டிகரில் தேசிய ரோலர் ஸ்கேட்டிங் போட்டி நடைபெற்றது குறிப்பிடத்தக்கது.
Puthiyathalaimurai TV Thanthi TV News18 Tamil Nadu News7 Tamil Sathiyam TV Sun News Kalaignar News News J TV Jaya Plus News Captain TV News Polimer News
