மதுரை: பணப்பட்டுவாடா டீலிங் பேசி முடித்த பெரிய கட்சிகள்

மதுரையில் அரசியல்  கட்சிகளிடையே  பணப்பட்டுவாடா செய்வதற்கு  டீலிங் நடைபெற்று முடிந்துள்ளதாக தகவல் வெளியாகியுள்ளது.

ஹைலைட்ஸ்:

  • தமிழகத்தின் இரண்டு பிரதான கட்சிகளும் மதுரையில் ரகசியமாக டீலிங் ஒன்றை பேசி முடித்துள்ளன. 
  • தெருத்தெருவாக எங்கு சென்றாலும் பறக்கும் படை இருப்பது பெரும் சிக்கலாக உள்ளது. 

    ஏப்ரல் 6ஆம் தேதி தமிழக சட்டமன்றத் தேர்தல் நடைபெறுகிறது. தேர்தலில் பதிவான வாக்குகள் வருகிற மே மாதம் 2ஆம் தேதி எண்ணப்பட்டு அன்றைய தினமே முடிவுகள் அறிவிக்கப்படவுள்ளன.தேர்தலை முன்னிட்டு அரசியல் கட்சிகள் தீவிர பிரசாரத்தில் ஈடுபட்டு வருகின்றனர்.வருகிற 4ஆம் தேதியுடன் சட்டமன்றத் தேர்தலுக்கான பிரசாரம் முடிவடைகிறது. இதையடுத்து, வாக்காளர்களை கவரும் வகையில், அவர்களை கவனிக்கும் முயற்சியிலும் இறங்கியுள்ளனர்.அதேசமயம், தேர்தலை சுமூகமான முறையில் நடத்தி முடிக்க திட்டமிட்டிருக்கும் தேர்தல் ஆணையம், பணப்பட்டுவாடாவை தடுக்கும் வகையில், பறக்கும் படைகளுடன் கண்கொத்தி பாம்பாக வலம் வருகிறது. தெருத்தெருவாக எங்கு சென்றாலும் பறக்கும் படை இருப்பது, ஆளுங்கட்சி, எதிர்க்கட்சி ஆகிய இருவருக்குமே பெரும் சிக்கலாக உள்ளது.

 

எனவே, பறக்கும் படை கண்ணில் எப்படி மண்னைத் தூவி விட்டு பணப்பட்டுவாடாவை செய்வது என்று தமிழகத்தின் இரண்டு பிரதான கட்சிகளும் மதுரையில் ரகசியமாக டீலிங் ஒன்றை பேசி முடித்துள்ளன. அதன்படி, நீ கொடுத்தா நான் கண்டுக்க மாட்டேன்; நான் கொடுத்தா நீ கண்டுக்கக் கூடாது. பறக்கும் படையிடம் யாரும் போட்டுக் கொடுத்து விடக் கூடாது என்பதுதான் அந்த டீலிங்காம்.

அம்மாடியோவ்.. ஒரு வார்த்தைக்கு ரூ.1 லட்சம்: ‘வெயிட்டா’ கவனிப்பாரு போலயே வேட்பாளரு!


மதுரை வடக்கு, மேற்கு, தெற்கு, கிழக்கு ஆகிய தொகுதிகளில் இந்த ரகசிய டீலிங் ஏகமனதாக பேசி முடிக்கப்பட்டு, ஜோராக பணப்பட்டுவாடாவை துவங்கவுள்ளதாக கூறப்படுகிறது. இந்த டீலிங் பறக்கும் படைக்கு தெரியாதோ அல்லது பணம் பாதாளம் வரை பாயும் என்பதை உறுதி செய்துள்ளதோ என்பது தெரியவில்லை. ஆனாலும், தொகுதி மக்கள் வந்த வரைக்கும் லாபம் கொடுங்க வாங்கிக்கிறோம் என்ற மனநிலையில் தயாராகி விட்டனராம்.

Puthiyathalaimurai TV  Thanthi TV  News18 Tamil Nadu  News7 Tamil  Sathiyam TV  Sun News  Kalaignar News  News J TV  Jaya Plus News  Captain TV News  Polimer News

Leave a Reply

Your email address will not be published. Required fields are marked *

scroll to top

tamilbusinessideas.com