கொரோனா பரிசோதனைக்கு முன்னரே வார்டில் அனுமதித்ததால் பரபரப்பு – வாலிபர் மனைவியுடன் தப்பி ஓட்டம்

தமிழகம் முழுவதும் கொரோனா தொற்றின் இரண்டாம் கட்ட அலை மிக தீவிரமாக பரவி வருகிறது. நாளொன்றுக்கு ஆயிரக்கணக்கானோர் பாதிக்கப்பட்டு வருகின்றனர். இதனை கட்டுப்படுத்த மாநில அரசு பல்வேறு கட்டுப்பாடுகளை அறிவுறுத்தி வருகிறது. இந்நிலையில், நேற்று புதுக்கோட்டை அறந்தாங்கியில் உள்ள அரசு மருத்துவமனையில் வாலிபர் ஒருவரால் பரபரப்பு ஏற்பட்டுள்ளது. புதுக்கோட்டை மாவட்டத்தில் கொரோனா தொற்று வேகமாக பரவி வருகிறது. இதனால் பாதிக்கப்பட்டவர்கள் அரசு மருத்துவமனையில் அனுமதித்து சிகிச்சை பெற்று வருகின்றனர்.


அதையடுத்து, நேற்று அங்குள்ள அரசு மருத்துவமனைக்கு கொரோனா பரிசோதனை செய்து கொண்டார் 32 வயது வாலிபர். அவருக்கு முன்னரே காய்ச்சல் மற்றும் கொரோனா தொற்றின் அறிகுறி இருந்ததால் அவரை கொரோனா சிகிச்சை வார்டில் அனுமதிக்கப்பட்டார். பரிசோதனை முடிவு வரும் முன்பே ஏன் வார்டில் அட்மிட் செய்தீர்கள் என்று அடிக்கடி வாக்குவாதத்தில் ஈடுபட்டார். இரவு உணவு வழங்க வந்த ஊழியர்களிடம் வாக்குவாதம் செய்தார். பின்பு, மருத்துவமனையில் கதவு கண்ணாடியை உடைத்து தடுக்க அவர் முன்பு வந்தவர் முகத்தில் எச்சில் துப்பினார். மேலும், இரவு நேர பணியில் இருந்த மருத்துவர்கள் சமரசம் செய்ய முற்பட்ட போது அவரையும் தாக்க முயன்றுள்ளார்.

அதை தொடர்ந்து, அவரது மனைவியை மருத்துவமனைக்கு வரவழைத்து அங்கிருந்து இரு சக்கர வாகனத்தில் தப்பிச் சென்றுவிட்டார். அவரை சமரசம் செய்ய முயன்ற மருத்துவ ஊழியர்களையும் கண்டுகொள்ளாமல் சென்றுள்ளார். இந்த செய்தியை கேட்ட மருத்துவமனையின் தலைமை செயலாளர் சேகர் அந்த வாலிபரின் குடும்பத்தினருடன் பேச்சுவார்த்தை நடத்தினார். மேலும், மருத்துவமனையில் சிகிச்சை பெற விரும்பவில்லை என்றால் வீட்டிலேயே தனிமைப்படுத்திக் கொள்ளுமாறு அறிவுரை வழங்கினார். இந்த சம்பவத்தால் அந்த பகுதியில் பரபரப்பு ஏற்பட்டுள்ளது.

 

Puthiyathalaimurai TV  Thanthi TV  News18 Tamil Nadu  News7 Tamil  Sathiyam TV  Sun News  Kalaignar News  News J TV  Jaya Plus News  Captain TV News  Polimer News

Leave a Reply

Your email address will not be published. Required fields are marked *

scroll to top