பேருந்துகளில் பயணிக்க திருநங்கைகளுக்கும் இலவசம் -மு.க.ஸ்டாலின்

மகளிரை போலவே திருநங்கைகளுக்கும் நகரப் பேருந்துகளில் இலவச பயணம் வழங்குவது குறித்து ஆவணம் செய்யப்படும் என முதலமைச்சர் மு.க.ஸ்டாலின் அறிவித்துள்ளார். பெண்களுக்கு பேருந்துகளில் இலவச பயணம் அறிவிக்கப்பட்டுள்ள நிலையில் திருநங்கைகள் அதிகம் துன்பப்படுவதால் அவர்களுக்கும் இலவச பயணம் வழங்க முதலமைச்சர் ஸ்டாலின் நடவடிக்கை எடுக்க வேண்டும் என இந்துஜா ரகுநாதன் என்பவர் ட்விட்டரில் வேண்டுகோள் விடுத்திருந்தார்.

இதை அறிந்த முதலமைச்சர் ஸ்டாலின் மக்களின் நலன் உரிமை ஆகியவற்றுடன் திருநங்கையர் வாழ்வையும் இணைத்தே சிந்திப்பது தலைவர் கலைஞர் காலம் தொட்டே திமுக அரசு வழங்கும் எனவும் தாங்கள் அதனை கவனப்படுத்தியமைக்கு நன்றி என்றும் டுவிட்டரில் பதில் அளித்துள்ளார்.

பெண்களைப் போலவே திருநங்கைகளும்  கட்டணமின்றி பேருந்துகளில் பயணிப்பது குறித்து பரிசீலித்து விரைந்து முடிவு எடுக்கப்படும் எனவும் மு.க.ஸ்டாலின் தெரிவித்துள்ளார்.

 

Leave a Reply

Your email address will not be published. Required fields are marked *

scroll to top