தமிழகத்தில் சமையல் எரிவாயு சிலிண்டர் விலை ரூ.10 குறைப்பு; பல மாதங்களுக்கு பிறகு குறைக்கப்பட்ட நிலையில் மக்கள் மகிழ்ச்சி 

அண்மைக் காலமாக சிலிண்டர் விலை தொடர்ந்து உயர்ந்து வந்த நிலையில் ரூ. 10 குறைந்துள்ளது. சமீபகாலமாக மாதத்திற்கு 2 முறை சிலிண்டர் விலை உயர்ந்துள்ளது. குறிப்பாக, கடந்த பிப்ரவரி மாதம் மட்டும் 3 முறை சிலிண்டர் விலை உயர்த்தப்பட்டது. இதில் ,பிப்ரவரி 4ம் தேதி ரூ.25 அதிகரித்து ரூ. 735 ஆகவும்,பிப்ரவரி 15 ம் தேதி ரூ. 50 அதிகரித்து 785 ஆகவும், பிப்ரவரி இறுதியில் ரூ. 25 அதிகரிக்கப்பட்டு ரூ. 810 ஆக நிர்ணயம் செய்யப்பட்டது. தொடர்ந்து, மார்ச் மாதம் தொடக்கத்தில் மேலும் ரூ. 25 அதிகரிக்கப்பட்டு ரூ. 835ஆக நிர்ணயம் செய்யப்பட்டது.

இதற்கிடையில் பல நாட்களுக்கு பிறகு இன்று சமையல் எரிவாயுவின் விலை ரூ.10 குறைந்துள்ளது. இதனால் இல்லத்தரசிகள் மகிழ்ச்சி அடைந்துள்ளனர். அதன்படி, சென்னையில் 14.2 கிலோ எடையுள்ள வீட்டு உபயோகத்திற்காக சமையல் எரிவாயு சிலிண்டரின் விலை ரூ. 10 குறைந்து 825 ரூபாய்க்கு விற்பனை செய்யப்படும். இந்த விலை குறைப்பு நள்ளிரவு முதல் அமலுக்கு வரும் என்றும் தெரிவிக்கப்பட்டுள்ளது. 

 

Puthiyathalaimurai TV  Thanthi TV  News18 Tamil Nadu  News7 Tamil  Sathiyam TV  Sun News  Kalaignar News  News J TV  Jaya Plus News  Captain TV News  Polimer News

Leave a Reply

Your email address will not be published. Required fields are marked *

scroll to top