செம்ம அழகு டானு சொல்ல வைக்கணுமா? இந்த பழங்களை சாப்பிட்டு, ஃபேஸ் பேக் போட்டு வந்தாலே போதும்!

சருமம் மாசு அடைவதற்கான காரணம் பல இருக்கலாம். அதனால் தான்  சரியான பராமரிப்பை வெளியிலும் சீரான ஊட்டத்தை உள்ளுக்குள்ளும் சேர்க்கும் போது தான் சருமம் பளபளப்பாக இருக்கும். அதிலும் சிறப்பு மிக்க  பழங்களை கொண்டு செய்யப்படும் ஃபேஸ் பேக் வகைகள் சிறந்த தேர்வாக இருக்கும்.

சுற்றுப்புற சூழல்கள் மோசமான நிலையில் காணப்படுவதால்   அதிகப்படியாகவே சருமத்தை பாதிக்க செய்வதாகும் . நீங்கள்  மோசமான உணவு முறை, வாழ்க்கை முறை போன்றவற்றுக்கு பலியாவது ஆரோக்கியம் மட்டுமல்லாமல் சருமத்தையும் பாதிக்கும். 

சருமத்தை பராமரிப்பதற்கும்,புத்துணர்ச்சியாக்குவதற்கும்  நீங்கள் சரும பராமரிப்பில் பழங்களை அதிகமாக சேர்க்க வேண்டும்.ஒவ்வொரு பழங்களை ஒவ்வொரு நாளும் பயன்படுத்துவதன் மூலம் சருமம் பொலிவு அடைவதை  நீங்களும் பார்க்கலாம். குறிப்பிட்ட சில பழ வகைகளை உள்ளுக்கும், வெளிக்கும் எடுப்பதன் மூலம் பெறும் நன்மைகள் குறித்து பார்க்கலாம்.

எலுமிச்சை

உடலில் நச்சுக்களை வெளியேற்ற வைட்டமின் சி நிறைந்த ஆக்ஸிஜனேற்றம் நிறைந்த பழம் உதவுகிறது.இந்த பலம் சருமத்தில் இருந்து  கறைகளை நீக்கி பளிச்சென்று வைக்க செய்கிறது. சீரற்ற நிறமி கருமையான புள்ளிகள், முகப்பரு வடுக்கள் இருந்தால் எலுமிச்சையை பயன்படுத்தி  ஒளிரும் சருமத்தைப் பெறலாம்.

உள்ளுக்கு

அரை டம்ளர் நீரில் 1 டீஸ்பூன் எலுமிச்சை சாறுடன் சுத்தமான தேனை கலந்து காலையில் வெதுவெதுப்பான சூட்டில் வெறும் வயிற்றில் குடிக்கவும். இது உடல் நச்சு தன்மையை வெளியேற்ற உதவும். உணவிலும் சாலட்டிலும் எலுமிச்சை சேர்த்து சருமத்தை ஒளிர செய்யும்.

சரும பராமரிப்புக்கு

 சருமத்தில் பொலிவு பெற எலுமிச்சை சாறுடன் பன்னீர் கலந்து முகத்தில்  தடவி 10 நிமிடங்களுக்கு பிறகு முகத்தை கழுவலாம்.பின்னர் உலர் சருமம் இருப்பவர்கள் தேங்காய் எண்ணெய் கலந்து பயன்படுத்தலாம். சருமத்தில் கறை இருந்தால் பாலுடன் கலந்து பயன்படுத்தலாம். குறிப்பாக கருவளையம் இருக்கும்  ஆண்கள் ,பெண்கள் கண்களுக்கு கீழ் தடவி எடுங்கள்.முகத்திற்கு எலுமிச்சை மற்றும் சர்க்கரை சேர்த்து  ஸ்க்ரப் செய்யுங்கள்.

பப்பாளி

பப்பாளியில் உள்ள சிறப்பு அம்சம்:வைட்டமின் ஏ, சி, பி, பான்டோதெனிக் அமிலம் மற்றும் தாமிரம், பொட்டாசியம் மற்றும் மெக்னீசியம் போன்ற தாதுக்கள் உள்ளன. இது ஃப்ரீ ரேடிக்கல்களால் சருமத்தில் உண்டாகும் சேதத்தை தடுக்கும் பாபேன் மற்றும் சைமோபாபேன் போன்ற நொதிகள் உள்ளன.

ஆரோக்கியமான சருமத்தை பெற பின்பற்ற வேண்டியவை: பாக்டீரியா எதிர்ப்பு, பூஞ்சை காளான் மற்றும் வைரஸ் தடுப்பு பண்புகளை கொண்டுள்ளன பப்பாளி மலச்சிக்கலை தடுப்பதால் ஆரோக்கியமான சருமத்தை பெறலாம். மேலும் இது சருமத்தில் மருக்கள், அரிக்கும் தோலழற்சி, சோளம் மற்றும் வெட்டு காயங்களுக்கு சிகிச்சை அளிக்க உதவும்.

உள்ளுக்கு

பப்பாளியை தினமும் ஒரு கிண்ணம் வீதம் காலை அல்லது மாலை நேர சிற்றுண்டியாக எடுத்து கொண்டால் ஒளிரும் சருமத்தைப் பெறலாம். பப்பாளி ஸ்மூத்தியாக்கியும் சாப்பிடலாம்.

சரும பராமரிப்புக்கு

சருமத்தில் பொலிவை பெற பப்பாளி துண்டுகளை பிசைந்து தடவி 10 நிமிடங்கள் கழித்து முகத்தை கழுவவும். பப்பாளி உடன் எலுமிச்சை சாறு , மற்றும் மஞ்சள் தூள் சிட்டிகை கலந்து சருமம் நிறமி மற்றும் வடு இருக்கும் இடத்தில் தடவி எடுக்கவும். வறண்ட சருமத்திற்கு பாதாம் கலந்து பயன்படுத்தவும்.பப்பாளியுடன் ஆரஞ்சு தோல் பொடி, தேன் கலந்து ஸ்க்ரப் செய்ய பயன்படுத்தலாம்.

​அவகேடோ

அவகேடோ என்பது ஆரோக்கியமான கொழுப்புகள் கொண்டது. நார்ச்சத்து வைட்டமின் ஏ, ஈ, சி, கே, பி6, நியாசின், ஃஓலேட் மற்றும் பான்டோதெனிக் அமிலம் கொண்டுள்ளது. இது ஆக்ஸிஜனேற்ற பண்புகளை கொண்டுள்ளதால் இது ஆக்ஸிஜனேற்ற சேதத்தை தடுக்க செய்கிறது. அவகேடோ ஆரோக்கியமான வயதை ஊக்குவிக்க கூடியதாகும். இதில் இருக்கும் லுடின் மற்றும் ஜீயாக்சாந்தின் சருமத்தின் நெகிழ்ச்சி தன்மையை தக்க வைக்க உதவும்.

உள்ளுக்கு

ஒளிரும் சருமத்தைப் பெற அவகேடோவை  காலை வேளையில் சாலட், சாண்ட்விச் போன்றவற்றில் கலக்கலாம். அவகேடோவை கீரையுடன் கலந்து ஸ்மூத்தி செய்யலாம். தயிருடன் கலந்து சாப்பிடலாம். ஸ்முத்தியாக எடுக்கலாம்.

சரும பராமரிப்புக்கு

10 நிமிடங்களுக்கு அவகேடோவை மசித்து சருமத்தில் தடவி விடவும். பிறகு வெதுவெதுப்பான நீரில் முகத்தை கழுவி எடுக்கவும். எண்ணெய் சருமத்துக்கு அவகேடோவுடன் பன்னீர் கலந்து பயன்படுத்தவும்.

ஆரஞ்சு

லேசான புளிப்புச் சுவையை கொண்டது ஆரஞ்சு என்பதால் சருமத்துக்கு அதிசயங்களை செய்யக்கூடியது. வைட்டமின் சி நிறைந்தவை. இது ஒரு ஆக்ஸிஜனேற்றி. இது கொலாஜன் சுரப்புக்கு உதவும்.

உள்ளுக்கு

ஒரு ஆரஞ்சு பழத்தை தினசரி சாப்பிட்டு வாருங்கள். குறைந்தது அரை பழமாவது அவசியம் சாப்பிட வேண்டும். ஆரஞ்சு கொண்டு தயாரிக்கப்படும் சாறு குடிக்கலாம்.

சரும பராமரிப்புக்கு

சருமத்தில் ஆரஞ்சு சாற்றை  தடவி விடவும். பிறகு 10 நிமிடங்களுக்கு பிறகு முகத்தை கழுவி எடுக்கவும். எண்ணெய் சருமமாக இருந்தால் ஆரஞ்சு சாறுடன் எலுமிச்சை சாறு, கடலை மாவு, மஞ்சள் தூள் கலக்கி எடுக்கவும். வறண்ட சருமத்துக்கு ஆரஞ்சு சாறுடன் பால், தேன், மஞ்சள் தூள் கலந்து பயன்படுத்தவும்.

​மாம்பழம்

சதைப்பற்றுள்ள இனிப்பு நிறைந்த மாம்பழம். இது சருமத்தை புத்துணர்ச்சியாக வைத்திருக்க செய்கிறது. வைட்டமின் ஏ, ஈ, சி மற்றும் கே, ஃபிளேவனாய்டுகள், பாலி பினாலிக்ஸ், பீட்டா கரோட்டின் மற்றும் சாந்தோபில்ஸ் போன்றவை உள்ளது. இது சரும வீக்கத்தை தடுக்கவும் சருமத்தை புத்துயிராக்கவும்  வைத்திருக்க செய்கிறது. 

உள்ளுக்கு

தினசரி உணவில் மாம்பழத்தை  ஒரு கப் சேர்க்கலாம். மாம்பழ மிருதுவாக்கி குடிக்கலாம். சாலட்டில் மாம்பழம் சேர்த்து கொள்ளலாம். 

பராமரிப்புக்கு

 சருமம் முழுவதும் மாம்பழத்தை பிசைந்து தடவி எடுக்கவும்.உங்கள் சருமம் எண்ணெய் பசையாக இருந்தால் சருமத்துக்கு பன்னீர், எலுமிச்சை சேர்க்கலாம். பிறகு குளிர்ந்த நீரைக் கொண்டு கழுவி எடுக்கலாம். வறண்ட சருமமாக இருந்தால் மாம்பழம் உடன் தயிர் தேன் போன்றவற்றை பயன்படுத்துங்கள். 10 நிமிடங்களுக்கு முகத்தை கழுவி எடுக்கவும்.

வாழைப்பழம்

வாழைப்பழம் நார்ச்சத்து, வைட்டமின்கள் ஏ, சி, கே, மற்றும் ஈ, ஃபோலேட், பொட்டாசியம், கால்சியம், பாஸ்பரஸ் மற்றும் மெக்னீசியம் போன்ற தாதுக்கள் நிறைந்துள்ளது. இது நல்ல இயற்கையான  மாய்சுரைசர் என்றும் சொல்லலாம். இது ஆக்ஸிஜனேற்ற மற்றும் ஆண்டி மைக்ரோபியல் பண்புகளை கொண்டுள்ளது.வாழைப்பழத்தை கொண்டு ஒளிரும் சருமத்தை பெற பல்வேறு வழிகளில் பயன்படுத்தலாம்.

உள்ளுக்கு

ஓட்மீலில் வாழைப்பழத்தை காலை உணவில் சேர்க்கவும். இதை ஸ்மூத்தி வடிவிலும் எடுக்கலாம். காலை அல்லது மாலை உணவில் இதை சேர்க்கலாம். வாழைப்பழத்தை சாலட்டிலும் சேர்க்கலாம்.

பராமரிப்புக்கு

 உடல் முழுவதும் வாழைப்பழம் அல்லது வாழைப்பழத் தோலை தடவி மென்மையாக மசாஜ் செய்து வந்தால் சருமத்துக்கு ஊட்டச்சத்து கிடைக்கும். வாழைப்பழத் தோலையும் பயன்படுத்தலாம்.

அன்னாசிப்பழம்

அன்னாசி பழம் என்பது நார்ச்சத்து வைட்டமின் ஏ, சி, கே மற்றும் ஃபோலேட், கால்சியம், பொட்டாசியம் மற்றும் பாஸ்பரஸ் போன்ற சத்துக்கள் நிறைந்துள்ளன. இதில் உள்ள ப்ரோமைலின் என்னும் நொதி அழற்சி எதிர்ப்பு கொண்டவை. தீப்புண் பட்டவர்களுக்கு அன்னாசி பழம் பயன்படுத்துவது இறந்த சரும செல்களை அகற்றி குணப்படுத்துவதை விரைவுபடுத்தும்.

உள்ளுக்கு

ஒரு கப் அன்னாசிப்பழம் தினசரி காலை அல்லது மாலை சிற்றுண்டிக்கு பயன்படுத்துங்கள்.சாலட் கலந்து அன்னாசி பழத்தை பயன்படுத்தலாம்.

பராமரிப்புக்கு

 சருமத்தின் மீது 1 டீஸ்பூன் பாலுடன் அன்னாசிப்பழச்சாற்றை கலந்து தடவி எடுக்கவும். பிறகு முகத்தை 10 நிமிடங்கள் கழித்து  கழுவி எடுக்கவும்.

​ஆப்பிள்

ஆப்பிள் வைட்டமின் ஏ, சி, பொட்டாசியம், கால்சியம் மற்றும் மெக்னீசியம் அதிகம் உள்ளதால் ஆக்ஸிஜனேற்ற பண்புகளை கொண்டுள்ளது. ஆப்பிளை தோலோடு பயன்படுத்த வேண்டும். அது சருமத்திற்கு நன்மை தரக்கூடும்.

உள்ளுக்கு

ஒரு ஆப்பிள் தினமும் சாப்பிடுவதன் மூலம் ஆரோக்கியத்தை நிறைவாக பெறமுடியும்.தினசரி ஒரு பகுதியாக சிற்றுண்டியில் நாள் ஒன்றுக்கு ஒரு ஆப்பிள் எடுத்துகொள்வது வழக்கமாக்கி கொள்ளுங்கள். ஆப்பிள் ஸ்மூத்தியாகவும் எடுக்கலாம்.

பராமரிப்புக்கு

சருமத்தில் ஆப்பிளை மசித்து தடவவும். வறண்ட சருமத்துக்கு ஆப்பிளுடன் தேன் கலந்து மசித்து முகத்தில் தடவி 10 நிமிடங்களுக்கு பிறகு வெதுவெதுப்பான நீரில் கழுவி எடுக்கவும்.

திராட்சை

திராட்சை என்பது ஆக்ஸிஜனேற்றத்துடன் ஏற்றப்படுகிறது. இது சரும புற்றுநோயிலிருந்து பாதுகாக்கும் ரெஸ்வெராட்ரால் ஆக்ஸிஜனேற்றம் கொண்டுள்ளது. இது வைட்டமின் சி, கே, ஃபோலேட் மற்றும் கால்சியம், பொட்டாசியம் மற்றும் பாஸ்பரஸ் போன்ற தாதுக்களின் வளமான மூலம். கூடுதலாக திராட்சை விதை சாறு சருமத்துக்கு புத்துணர்ச்சி அளிக்க கூடும்.

உள்ளுக்கு

காலை அல்லது மாலை நேரத்தில் ஒரு கப் அளவு திராட்சை எடுக்கவும். இதை சாலட்டில் கலந்தும் பயன்படுத்தலாம்.

பராமரிப்புக்கு

 சருமத்தில் திராட்சையை பிசைந்து  தடவி எடுக்கவும். பிறகு 10 நிமிடங்களுக்கு பிறகு குளிர்ந்த நீரில் கழுவி எடுக்கவும்.

​முலாம் பழம்

சரும சிகிச்சைக்கும் உதவக்கூடியவை:கிர்ணி பழம் என்றும் சொல்லலாம். இது வைட்டமின் ஏ, சி, கே, ஃபொலேட் மற்றும் பொட்டாசியம், மெக்னீசியம் பாஸ்பரஸ், கால்சியம் மற்றும் சோடியம் போன்ற தாதுக்கள் நிறைந்துள்ளது 

கொரியன் பியூட்டி டிப்ஸ் : பளிங்கு மாதிரி முகம் வழவழன்னு இருக்க, இதை மட்டும் தொடர்ந்து பயன்படுத்துங்கள் போதும். 

உள்ளுக்கு

நம் உடலுக்கு தினமும் ஒரு கப் முலாம் பழத்தை சேர்க்கலாம். முலாம் பழத்துடன் வெல்லம் கலந்து ஸ்மூத்தியாக்கி குடிக்கலாம்.

பராமரிப்புக்கு

சருமத்தில் முலாம் பழத்தை மசித்து தடவி 10 நிமிடங்கள் கழித்து முகத்தை கழுவி எடுக்கவும். இதனுடன் முகத்தில் திராட்சை சாறு கலந்து சேர்க்கவும். சரும நிற மாற்றத்தை தவிர்க்க  உதவுகிறது.

Puthiyathalaimurai TV  Thanthi TV  News18 Tamil Nadu  News7 Tamil  Sathiyam TV  Sun News  Kalaignar News  News J TV  Jaya Plus News  Captain TV News  Polimer News